Þakkir frá Got Agulu strákunum

Sr. Bára Friðriksdóttir

Söfnun fyrir skóladrengi í þorpinu Got Agulu á Rey Cup, fótboltamót Þróttar í fyrra gekk það vel að 15 drengir og þrír fylgdarmenn gátu komið til landsins frá Kenía og dvöldu þeir í þrjár vikur í Hafnarfirði. Þeir hittu bæði veraldleg og geistleg völd, forseta, biskup og bæjarstjóra Hafnarfjarðar, kepptu æfingaleiki við stráka í Hafnarfirði, Kópavogi og á Akranesi auk þess að keppa á Rey Cup. Þeir fóru í ferð upp á Sólheimajökul, ótal sundferðir, fyrstu bíóferðina, kirkjuferðir m.a. í Lindakirkju og margt fleira. Hafnarfjarðarbær veitti  góðan stuðning með því að hýsa hópinn í Lækjarskóla og fleira. JAKO Sport gaf innri og ytri íþróttaföt á mannskapinn og þar eignuðust strákarnir sinn fyrsta fótbolta. Bæði fjölskyldur og fyrirtæki buðu þeim í mat og ótalmargir gáfu föt og skófatnað sem þeir gáfu þorpsbúum þegar heim kom. Þetta var mikið ævintýri sem á eftir að verða drengjunum og fleirum hvatning í lífinu. Í Kópavogi var safnað í Digraneskirkju og gekk vel. Fyrir hönd stuðningshópsins sem stóð að baki drengjunum vil ég færa alúðar þakkir til allra þeirra sem á einn eða annan hátt gerðu dvöl drengjanna að veruleika og jafn ánægjulega og hún varð þeim.

Strákarnir hittu m.a. Agnesi M. Sigurðardóttur, biskup Íslands.
Liðsfundur fyrir Rey Cup.
JAKO Sport gaf innri og ytri íþróttaföt á mannskapinn og þar eignuðust strákarnir sinn fyrsta fótbolta.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn