Tennisíþróttinni vex fiskur um hrygg í bænum. Nýverið lauk umfangsmiklu þjálfaranámskeiði í Tennishöllinni í Kópavogi. Um var að ræða tvær þjálfaragráður viðurkenndar af Alþjóðatennissambandinu (ITF). Annars vegar var það svokölluð „Play Tennis“ gráða, sem ellefu þjálfarar stóðust, og hins vegar svokölluð „ITF Level 1“ gráða, sem er talsvert umfangsmeiri gráða, en einungis 5 þjálf-arar luku þeirri gráðu. Námskeiðið var skipulagt af Jóni Axel Jónssyni, yfirþjálfara Tennisfélags Kópavogs í samvinnu við Tennissamband Íslands með aðstoð frá sérfræðingum Alþjóða tennissambandsins. Grunnurinn að góðum spilurum og öflugri tennismenningu felst að miklu leyti í vel menntuðum þjálf-urum. Með framangreindu hafa Tennissamband Íslands og Tennisfélag Kópavogs því tekið stórt stökk í menntun tennisþjálfara hérlendis sem mun án efa skila töluverðum árangri í framtíðinni og styrkja starf Tennisfélags Kópavogs.
Bæjarstjórn fundaði með börnum og ungmennum
24/05/2026
Bæjarstjórn Kópavogs fundaði með fulltrúum ungmennaráðs og grunnskólabarna bæjarins þriðjudaginn 12.maí. Á fundinum voru lagðar fram tillögur Barna- og ungmennaþings en það er einn af hornsteinum barnvæns sveitarfélags, eins og Kópavogur er, að börn
