Draumkennd tónlist, draumafangarasmiðja og ævintýraþrautin draumaslóð er á meðal þess sem boðið verður upp á 17. júní þegar Menningarhúsin í Kópavogi, ásamt listafólki á vegum Skapandi sumarstarfs í Kópavogi, taka saman höndum um metnaðarfulla og fjölbreytta dagskrá fyrir alla aldurshópa undir yfirskriftinni Sumardraumar á sautjándanum.
Dagskráin stendur yfir frá 13 og fram eftir degi með litríkum uppákomum af öllu tagi í bland við skapandi listsmiðjur fyrir alla fjölskylduna. Hægt verður að búa sér til sína eigin þjóðhátíðargrímu, fá tilsögn í koparsmíði og teiknimyndagerð, þræða draumaslóð og leysa draumkenndan draumaratleik auk þess sem í boði verða alls kyns útileikir, sirkusatriði, sumarjazz, barnaævintýri, trúnóhorn og kvíðagjörningur svo fátt eitt sé nefnt. Ókeypis er á alla viðburði dagsins og opið á Reykjavík Roasters í Gerðarsafni frá 9 – 18.
Dagskrá á útisvæði Menningarhúsanna
13:00 Stökkönd VST þeytir draumkenndri tónlist.
13:30 Sirkussýning með loftfimleikum og skemmtikraftaköllum.
14:10 WE ARE NOT KIDS. Rakel Andrésdóttir og Andrés Þór Þorvarðarson, flytja lög úr glænýju barnaævintýri.
14:40 Bambaló, Herdís og Ingibjörg Linnett, setja þjóðlagaarfinn í nýtt og skemmtilegt samhengi.
15:00 Stokkönd VST þeytir draumkenndri tónlist.
15:30 Húlladúllan glensar í áhorfendum og sýnir sirkushúllaatriði.
Fordyri Salarins
17:00 Sumarjazz á þjóðhátíðardeginum. Margrét Eir og hljómsveit, flytur jazzskotna efnisskrá úr ýmsum áttum.
Skapandi smiðjur og leikir fyrir alla fjölskylduna frá 13 – 16
Draumafangarasmiðja Náttúrufræðistofu Kópavogs
Draumaslóð: Ævintýraþraut fyrir alla fjölskylduna
Grímusmiðja ÞYKJÓ með Ninnu Þórarinsdóttur og Bókasafni Kópavogs.
Teiknimyndasmiðja KOMIK – Egill Gauti Sigurjónsson og Íris Eva Magnúsdóttir.
Koparsmíði með Silfursystrum – Gunnhildi Höllu Ármannsdóttur og Sigrúnu Birnu Pétursdóttur.
Upplestur og uppistand í Reykjavík Roasters, Gerðarsafni
13:00-13:15 Katla Ársælsdóttir flytur hluta úr ljóða- og smásagnasafninu 204 Kópavogur.
13:15-13:30 Inga Steinunn Henningsdóttir með sérfræðingaspjall.
15:00-15:15 Auður Helgadóttir með örsögur um hinseginleika.
15:15-15:30 Sviðslistahópurinn OBB – Jökull Smári Jakobsson og Vigdís Halla Birgisdóttir skoða ljóð með einmanaleika, lífið, náttúruna og mennskuna í fyrirrúmi.
Gjörningar og uppákomur yfir daginn á útisvæði Menningarhúsanna
- Tómas Óli Magnússon býður upp á málverkagjörning frá 9 – 5.
- Sædís Harpa Stefánsdóttir rannsakar eigin kvíða og býður upp á gjörninginn „Kvíðahvísl“.
- DÝNAMÍK – Margrét Lára Baldursdóttir og Margrét Lóa Stefánsdóttir bjóða gestum að fá sér sæti í „Trúnóhorninu“ og spjalla um vináttuna.
- Vegglistahópur Kópavogs, Karen Ýr Sigurbjörnsdóttir, Sindri Franz, Ásdís Hanna Guðnadóttir og Katla Björk Gunnarsdóttir veitir innsýn í vinnuaðferðir sínar.
Í Gerðarsafni verður opið frá 10 – 18 en þar stendur yfir sýningin Hlutbundin þrá og er ókeypis á safnið á Þjóðhátíðardaginn.
Bókasafn Kópavogs og Náttúrufræðistofa Kópavogs verða opin frá 11 – 17. Þar standa yfir fjölbreyttar sýningar sem hægt er að njóta auk þess sem listafólk á vegum Skapandi sumarstarfs, þau Katla Marín Stefánsdóttir, Marina Gerða Bjarnadóttir og Atli Pálsson sýna innsetningar og vídeóverk í tilefni dagsins.
