Nemendur í félagsfærni í Snælandsskóla ákváðu að taka að sér „ungabarn“ með gervihermi nýverið. Segir í frétt á vef skólans að verðandi feður og mæður hafi verið spennt fyrir verkefninu. Skólastjórnendur gáfu leyfi fyrir að hafa kveikt á „ungabarninu“ á skólatíma og gekk það vel. Að vísu þóttu mörgum nemendum erfitt að einbeita sér við námið. Eitt „ungabarnið“ fékk í magann í enskuprófi og á endanum varð nemandinn að yfirgefa stofuna með „ungabarnið sitt“ grátandi. En þetta er víst gangur lífsins þegar ungir foreldrar þurfa að axla þessa miklu ábyrgð.
