Umhverfisviðurkenning: Lundur 86-92


Viðurkenning fyrir frágang húss og lóðar á nýbyggingarsvæði

2

Lundur 86-92

Árið 2009 hlutu arkitektarnir Guðmundur Gunnlaugsson hjá Archus og Gunnar Páll Kristinsson hjá Rýma arkitektum, teiknistofunni Stórhöfða 17, umhverfisverðlaun Kópavogs fyrir Lund nr. 1-3. Að þessu sinni hljóta hönnuðir og byggingaraðili þann heiður aftur fyrir húsin Lund nr. 86-92 sem bera heildarsvipmót hinna húsanna, en eru þó lægri bygging; frá þremur upp í fimm hæðir auk kjallara. Byggingaraðilar húsanna eru Gylfi Héðinsson og Gunnar Þorláksson hjá Byggingarfélagi Gylfa og Gunnars ehf sem hafa frá byrjun lagt áherslu á að þarna myndu rísa metnaðarfull og nútímaleg fjölbýlishús í hæsta gæðaflokki. Arkitektar húsanna vildu koma á framfæri þakklæti fyrir að fá tækifæri að aðkomu að því að skapa sérstaklega vönduð hús og það góða samstarf við byggingaraðila sem og hið frábæra starfslið á Skipulags- og byggingardeild Kópavogs. Eru arkitektar og húsbyggjendur sammála um að fagleg og góð vinna hafa átt sér stað í alla staði.

Húsin Lundi nr. 86-92 eru ein af þremur svipuðum byggingum sem raðast inn á svæðið í neðri hluta svæðisins sem snýr að skógi og munu ná frá rað- og parhúsum austast og vestur að Hafnarfjarðarvegi. Í hverri húsaþyrpingu eru þrjú hús með mismunandi útlit og form með alls um fimmtíu íbúðir. Hver íbúð á bílastæði í kjallara og eru íbúðir af mörgum gerðum og stærðum. Húsin eru klædd hvítu báruáli á aðalflötum með ívafi af dökkgráu áli og flötum með viðarklæðningum til dæmis inni á svölum. Svalir eru rúmgóðar og hægt að setja upp nokkurskonar sólskála til varnar veðri og vindum. Þar sem eru altangangar eru þeir einnig glerskýldir. Útlit húsanna á að undirstrika leikgleði og fjölbreytileika sem býður sífellt upp á nýtt sjónarhorn og upplifun, jafnt fyrir íbúa sem umhverfið.

3