Ungmenni galdra á Hólmavík

Landsþing ungmennahúsa.

Kristinn úr Molanum, Tómas úr Pakkhúsinu Selfossi og Tryggvi úr Molanum „djamma“ í tónlistarstúdíóinu sem er í grunnskólanum á Hólmavík.

Landsþing ungmennahúsa var haldið á Hólmavík um síðustu helgi. Ungt fólk á aldrinum 16-25 ára og starfsfólk ungmennahúsa komu víða að af landinu ásamt stjórn Samfés. Markmið landsþingsins var að skapa vettvang fyrir ungt fólk til að hittast, móta starfsemi ungmennahúsa landsins, skiptast á hugmyndum, efla samstarfið og ræða málefni ungs fólks á Íslandi og hvað hægt sé að gera til að bæta starfið og tryggja að öll ungmenna á aldrinum 16-25 ára hafi jafnan aðgang að ungmennahúsi í sinni heimabyggð.

Dagskrá helgarinnar var fjölbreytt og tóku þátttakendur þátt í hópefli, fræðslu, umræðuhópum, smiðjum og auðvitað skemmtilegum kvöldvökum. Hjálmar Karlsson frá Rauða krossins á Íslandi og Anna G Ólafsdóttir framkvæmdarstjóri Geðhjálpar héldu fyrirlestur um hjálparsíma Rauða krossins 1717 og herferðina Útmeða sem beinist að sjálfsvígs- og sjálfsskaða. Á landsþinginu var meðal annars talað um hversu mikilvægt það er að taka vel á móti flóttafólki, koma í veg fyrir fordóma með kynningu og fræðslu og tryggja aðgengi þeirra að námskeiðum og öðrum nauðsynlegum úrræðum. Bæta þarf alla fræðslu um andlega heilsu ungs fólks á öllum skólastigum og að andleg veikindi séu viðurkennd þá sérstaklega með aðkomu ríkisins með niðurgreiðslu á kostnaði.

Þátttakendum fannst að bæta þurfi enn frekar alla fræðslu um vinnuréttindi ungs fólks og Barnasáttmálann því margir unglingar vita ekki að verið sjá að brjóta á þeirra réttindum. Einnig að ríkið virði það að börn og unglingar eigi að koma að ákvörðunartöku í öllum málefnum sem snerta ungt fólk. Hópurinn heimsótti einnig Galdrasafnið og heitu pottana að Drangsnesi.

Ungt fólk vill hafa áhrif og er ekki sama um samfélagið og framtíð landsins.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn