Uppskeruhátíð LHÍ á menningartorfu Kópavogsbæjar

Útskriftartónleikar tónlistardeildar Listaháskóla Íslands fara fram í Salnum í apríl og maí samkvæmt samkomulagi Salarins, Listaháskóla Íslands og lista- og menningarráðs Kópavogsbæjar. Samningurinn nær til þriggja ára. Þar með verður eins konar uppskeruhátíð LHÍ í tónlist, myndlist og hönnun á menningartorfu Kópavogsbæjar á vorin því fyrr í vetur var ákveðið að útskriftarsýningar meistaranema í myndlist og hönnun yrðu haldnar í Gerðarsafni.

Kjartan Ólafsson, prófessor við LHÍ, Fríða Björk Ingvarsdóttir, rektor Listaháskóla Íslands, Karen E. Halldórsdóttur, formanni lista- og menningarráðs og Aino Freyja Järvelä, forstöðumaður Salarins,
Kjartan Ólafsson, prófessor við LHÍ, Fríða Björk Ingvarsdóttir, rektor Listaháskóla Íslands, Karen E. Halldórsdóttur, formanni lista- og menningarráðs og Aino Freyja Järvelä, forstöðumaður Salarins,

Útskriftartónleikarnir eru fjármagnaðir með framlagi úr lista- og menningarsjóði Kópavogsbæjar en tilgangur sjóðsins er að efla menningarlífið í bænum. Aðgangur að tónleikum LHÍ verður ókeypis og allir velkomnir á meðan húsrúm leyfir. Tónleikarnir verða auglýstir á vef Listaháskóla Íslands og Salarins.
Salurinn og Gerðarsafn standa hlið við hlið en á sömu torfu er einnig Tónlistarsafn Íslands. Með samningnum í dag fær tónlistardeild LHÍ einnig aðgang að því safni fyrir útskriftarnema skólans og verkefni þeirra.

Samningurinn var undirritaður af þeim Karen E. Halldórsdóttur, formanni lista- og menningarráðs, Aino Freyju Järvelä, forstöðumanni Salarins, Fríðu Björk Ingvarsdóttur, rektor Listaháskóla Íslands, og Kjartani Ólafssyni, prófessor við LHÍ.

„Þessi samningur er Listaháskóla Íslands mikils virði því hann gerir okkur kleift að bjóða útskriftarnemum okkar í tónlist að vinna lokaverkefni sín í fullkomlega faglegu umhverfi. Slíkt skiptir miklu máli, ekki síst vegna þess að við vitum að þessir nemendur eiga eftir að setja mark sitt á tónlistarlífið í framtíðinni og útskriftartónleikarnir eru iðulega þeirra fyrsta skref inn í atvinnumennsku á sviði tónlistar. Aðstæður í Salnum eru allar til mikillar fyrirmyndar og sannarlega ánægjulegt að kynna þar til sögunnar nýja kynslóð tónlistarmanna og um leið afrakstur skólastarfsins,“ segir Fríða Björk Ingvarsdóttir, rektor Listaháskóla Íslands.

Karen E. Halldórsdóttir, formaður lista- og menningarráðs tekur í sama streng og segir það mikið ánægjuefni að ganga til nánara samstarfs við Listaháskóla Íslands. „Menningartorfan okkar í Kópavogi mun iða af lífi á vorin þegar ungir og frjóir listamenn frá Listaháskóla Íslands kynna þar listsköpun sýna í Salnum, Gerðarsafni og jafnvel í Tónlistarsafni Íslans. Um leið auðgum við menningarlífið og styrkjum enn frekar starfsemi menningarhúsa Kópavogsbæjar.“

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn