Drengir í 9. og 10. bekk Kársnesskóla starfrækja jólaútvarp sem hefur slegið í gegn á netinu. Nökkvi Nils Bernharðsson í 10. bekk skólans hefur veg og vanda af öllum tæknimálum og fyrir hans framlag varð þetta að veruleika, segir í frétt frá Kársnesskóla. Útsendingar eru frá kl. 9:30-10:30 alla virka daga fram að jólafríi en hægt er að hlusta á þættina hvenær sem er. Við hvetjum alla til þess að gefa sér tíma til að hlusta á unga og hugmyndaríka fólkið í Kársnesskóla.
