Valið er skýrt

Bjarni Benediktsson, forsætisráðherra og oddviti Sjálfstæðisflokksins í Suðvesturkjördæmi.

Það gengur vel á Íslandi. Margir hafa lagt hönd á plóg við að skapa þessa stöðu og það er ánægjulegt hversu margt er hægt að telja til. Söguleg kaupmáttaraukning, lítil verðbólga og stöðugleiki. Ný störf og fjölbreyttari stoðir atvinnulífsins. Betri skuldastaða heimila og fyrirtækja, sem og ríkissjóðs. Þar hefur skapast um 30 milljarða svigrúm til góðra hluta, vegna þeirrar stefnu sem við höfum markað, að greiða hratt niður ríkisskuldir.

Það hefur tekið tíma að koma okkur á þennan stað, en hættan er sú að það taki bæði styttri tíma og þurfi færri til, til að spilla þessari góðu stöðu.

Frá árinu 2009 hafa ný framboð sprottið upp í hverjum kosningum. En öfugt við það sem ætla mætti, að fjölbreytnin og breiddin ykjust, hefur kraðakið vinstra megin við miðju vaxið. Við í Sjálfstæðisflokknum erum eini valkostur hægrisinnaðra kjósenda. Eini valkosturinn. Án okkar verður mynduð vinstri stjórn.

Við vitum hvað slík stjórn boðar. Hærri skatta á fyrirtæki og letjandi skattkerfi. Aukin útgjöld. Minna svigrúm fyrir einkaframtakið. Meiri ríkisafskipti. Hærri og fleiri skatta á einstaklinga. Sagan segir að verðbólgan fer aftur af stað. Vextir hækka á ný. Ráðstöfunartekjur dragast saman.

Við ætlum okkur aftur á móti að hafa stöðugleikann áfram í fyrirrúmi. Gera betur í heilbrigðis- og menntamálum og setja uppbyggingu innviða í forgang með fimm ára áætlun um 100 milljarða viðbótarinnspýtingu. Skapa pólitískt öryggi en ekki óvissu. Vera fyrirsjáanleg í þeirri stefnu okkar að létta álögum af fólki og atvinnulífi, treysta á kraft einstaklinganna og gefa þeim svigrúm til að blómstra.

Valið er skýrt.

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar