Ég hef ekki lagt það í vana minn að hrósa sjálfum mér og benda á það sem ég hef gert og gert vel. En nú þarf ég þess því ég er að leggja í kröftuga kosningabaráttu. Það er ekki eins og ég geti „markaðssett“ mig á upp á nýtt eða á einhvern nýjan hátt. Það liggur fyrir í fundargerðum allt það sem ég hef gert og staðið fyrir í uppbyggingu Kópavogs. En ég get sagt frá mínum verkum og þau eru fjölmörg á öllum sviðum mannlífsins í Kópavogi.
Ég var í bæjarstjórn á árunum 2002-2014. Á þessum árum voru byggðir upp góðir skólar og leikskólar. Blómleg íbúabyggð og kraftur settur í alla uppbygging á íþróttamannvirkjum. Bætt þjónusta á öllum sviðum við íbúa Kópavogs og sett á þann stað sem hún er í dag. Þar höfum við verið algjörlega til fyrirmyndar fyrir önnur sveitarfélög og gert það vel.
Einnig tókumst við á við bankahrunið þar sem heilu hverfi var skilað inn og það fraus öll uppbygging. Af því að Kópavogur stóð vel og öll þjónusta var til fyrirmyndar komust við í gegnum skaflinn. Þegar allt fór af stað aftur var Kópavogur í fararbroddi og tilbúinn til að halda áfram. Nú þurfum við að spýta í lófana og leggja af stað aftur. Þá sérstaklega í að brjóta land og bjóða fleirum í Kópavog. Núna er komið að kaflaskilum og við sjáum fyrir uppbyggingu á landi fyrir nýjar íbúðir í efri byggðum Kópavogs og endurbótum á eldri hverfum. Þá getur verið gott að hafa reynslubolta eins og mig í bæjarstjórn.
Það hefur ekki farið fram hjá íbúum í Kópavogi að það er að koma að kosningum. Þann 12. mars er prófkjör hjá okkur í Sjálfstæðisflokknum í Kópavogi, þar óska ég eftir 4. sæti. Ef þú telur að reynsla mín og þekking nýtist þá er ég tilbúinn.
Sjá nánar: omarstef.net
