Auglýsing sem Vinir Kópavogs hafa birt á samfélagsmiðlum hefur vakið athygli. Þar er varað við harmleik í Hamraborg og sjálfsagt vísað í umdeild uppbyggingaráform í Fannborg og Hamraborg. Vísað er í frægt sturtuatriði í Hitchcock myndinni Psycho sem líklega er þekktasta hryllingsmynd allra tíma.
Kolbeinn Reginsson, sem skipar 2. sæti á lista Vina Kópavogs, segir atriðið vera viðeigandi til að vekja athygli íbúa. „Atriðið fangar stemninguna þegar íbúarnir átta sig á að Kópavogsbær hefur leyft fjárfestum að reisa 18 hæða hótelbyggingu nokkrum metrum fyrir framan heimili þeirra algerlega þeim að óvörum, alveg eins og atriði úr hryllingsmynd.“
