Vortónleikar Samkórs Kópavogs

Samkór Kópavogs syngur inn vorið á tónleikum sínum fimmtudagskvöldið 4. maí n.k.  Tónleikarnir verða að þessu sinni í Digraneskirkju og hefjast kl. 20.

Samkór Kópavogs.

Yfiskrift tónleikanna er „Ég á mér draum“ sem sótt er í smiðju hljómsveitarinnar ABBA en kórinn flytur meðal annars syrpu Abbalaga á tónleikunum. Efnisskráin er fjölbreytt og geymir tónverk eftir bæði  íslensk og erlend tónskáld, þar á meðal eftir Jón Ásgeirsson, Sigfús Halldórsson,  Frederic Chopin, Bob Dylan og Eric Whitacre.

Söngstjóri  kórsins er Friðrik S. Kristinsson. Píanóleikari á tónleikunum er Lenka Mátéóva og einsöngur úr röðum kórfélaga.

Samkór Kópavogs er blandaður kór sem  hefur starfað í Kópavogi frá árinu 1966. Nokkrir söngglaðir Kópavogsbúar stofnuðu kórinn en  þar á meðal var fyrsti söngstjóri hans,  Jan Morávek, hinn tékknesk ættaði tónlistarmaður sem  átti ríkan þátt í því að efla tónlistarlíf á Íslandi upp úr miðri síðustu öld. Starfsemi kórsins hefur verið blómleg frá stofnun hans  þar ríkt metnaður og góður félagsandi.

Kópavogsbær hefur veitt kórnum menningarstyrk um árabil. Í dag eru félagar í Samkórnum 55 talsins. Núverandi formaður kórsins er Sigríður V. Finnsdóttir.

Á næsta ári hyggst kórinn halda í söngferð til útlanda.  Kórinn tekur jafnan vel á móti nýju góðu söngfólki. Nánari upplýsingar má finna á heimasíðu: www.samkor.is eða á facebooksíðu kórsins.

Miðaverð er kr. 3.500. Frítt er fyrir börn 12 ára og yngri. Hægt er að kaupa miða hjá kórfélögum og við innganginn. Einnig er hægt að panta miða með því að senda tölvupóst á samkor@samkor.is

Deildu:

Facebook
Twitter
Pinterest
LinkedIn

Fleiri fréttir

Þúsundir íbúða í nýjum lífsgæðakjarna í Kópavogi

Áform um uppbyggingu hjúkrunarrýma og íbúða á Gunnarshólma Loftmynd af svæðinu Bæjarráð Kópavogs hefur samþykkt að vísa áfram til samþykktar bæjarstjórnar drögum að viljayfirlýsingu við Aflvaka þróunarfélag um uppbyggingu 5.000

Kársnesskóla skipt í tvo skóla

Kársnesskóla verður skipt upp í tvo sjálfstæða skóla á skólaárinu 2024 til 2025 samkvæmt tillögu menntasviðs Kópavogsbæjar sem samþykkt hefur verið í bæjarstjórn Kópavogs. Lagt er til að skólanum verði

Jólatónleikar Samkórs Kópavogs

Samkór Kópavogs syngur inn aðventuna á sínum árlegu jólatónleikum sunnudaginn 3. desember n.k. Tónleikarnir verða í Digraneskirkju og hefjast kl. 17:00. Einsöngvari með kórnum að þessu sinni er tenórsöngvarinn Gunnar