Yfir sex hundruð nemendur heimsækja Gerðarsafn

Alls 625 nemendur, aðallega úr leik- og grunnskólum Kópavogs, tóku þátt í nýrri fræðslu- og upplifunarsýningu í Gerðarsafni í byrjun árs, Stúdíó Gerðar. Tilgangur sýningarinnar er að efla safnafræðslu í Kópavogi með áherslu á sköpun og ímyndunarafl þátttakenda. Listamaðurinn Guðrún Benónýsdóttir var hugmyndasmiður sýningarinnar í samstarfi við listrænan stjórnanda  Gerðarsafns, Kristínu Dagmar Jóhannesdóttur.

1526694_797234930332049_5462975745479370758_n

Sýningunni lýkur á sunnudag en á laugardeginum  frá kl. 14 til 16 fer fram vinnusmiðja sem ber heitið Skúlptúrgarðurinn, sem er sérstaklega sniðin fyrir börn á aldursbilinu 8 til 12 ára og fjölskyldur þeirra. Þar verður unnið með þrívíð verk út frá skúlptúrum Gerðar og þátttakendur fá að taka yfir allt sýningarrýmið með verkum sínum.

10942612_793795760675966_6629469985604904344_n

Innsetningin í Stúdíói Gerðar var innblásin af vinnustofu Gerðar Helgadóttur (1928-1975). Þar er hægt að upplifa listaverk, skissur og teikningar Gerðar. Einnig voru settar upp skapandi vinnustöðvar þar sem gestir geta tekið virkan þátt í uppbyggingu sýningarinnar. Á neðri hæð Gerðarsafns er að finna tímalínu með myndum og upplýsingum um feril Gerðar Helgadóttur ásamt heimildamyndinni, Líf fyrir listina.

g

„Það hefur sýnt sig að mikill áhugi er hjá skólakerfinu að nýta sér ýmsa möguleika í safnafræðslu. Við höfum fengið einstaklega góð viðbrögð og vonumst til að geta haldið áfram sömu braut óháð þeim sýningum sem standa uppi hverju sinni,“ segir Kristín Dagmar Jóhannesdóttir, listrænn stjórnandi Gerðarsafns. „Það er alltaf hægt að finna skapandi leiðir til að kveikja áhuga fólks á myndlist, óháð aldri. Það eru einmitt ungu gestirnir sem gjarnan opna augu okkar eldri. Þakkir hafa borist frá kennurum fyrir góðar móttökur sem segja að börnin tali um heimsóknina eftir á. Það hafi jafnvel skilað sér til foreldranna.  Tilgangurinn með þessu er einmitt líka sá að minna á safnið sem skapandi stað þar sem fjölskyldur geta eytt samverustundum og gert eitthvað spennandi og skemmtilegt saman.“

Öllum leikskólum í Kópavogi og yngri börnum grunnskóla bæjarins var boðið að koma á sýninguna en fjölskyldufólk hefur einnig verið hvatt til að taka þátt í sérstökum vinnnusmiðjum líkt og Skúlptúrgarðinum sem fer fram næstkomandi laugardag.

image001 10947213_791132300942312_4038476186630748682_n 10958839_797235183665357_4205927306879145165_n 10933824_784847024904173_4391567995216171501_n 10918994_793795757342633_5785771231520123615_n 1526694_797234930332049_5462975745479370758_n 10940589_788017561253786_6679135882217507695_n 10968433_793795350676007_969355543336145618_n 10173544_793795004009375_1227178739068654608_n 10968398_793795710675971_6478371336144398524_n 10404324_788913607830848_5297863904666023160_n gerdarsafn1

Deildu:

Facebook
Twitter
Pinterest
LinkedIn

Fleiri fréttir

Niðurlagning Héraðsskjalasafns Kópavogs

Skaðræðisgjörningur bæjarstjórnar Kópavogs Bæjarstjórn Kópavogs ákvað á fundi sínum 25. apríl 2023 með sex atkvæðum meirihlutans gegn fimm atkvæðum minnihlutans að leggja niður Héraðsskjalasafn Kópavogs. Þar fetaði bæjarstjórnin í slóð

Hrönn Valgeirsdóttir, leikskólakennari og M.A. í foreldrafræðslu og uppeldisráðgjöf.

Mikill áhugi á fræðslukvöldum fyrir foreldra

Foreldrum og forsjáraðilum leikskólabarna í Kópavogi stendur til boða að mæta á fræðslukvöld þar sem fjallað er um uppeldishætti, að setja mörk og ábyrgð og líðan foreldra. Fyrsti fundurinn var

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn