Rafmögnuð stemning á Kóparokk

ritstjorn

05/03/2014

Hljómsveitin Fjöltengi tryllti salinn.

Kóparokk er tónlistarviðburður ungs fólks í Kópavogi. Frá upphafi hefur Kóparokk farið fram í félagsmiðstöðinni Ekkó í Kársnesskóla á haustin en í ár var viðburðurinn haldin 21. febrúar  sl. í ungmennahúsinu Molanum,  þar sem búnaður til tónleikahalds er af bestu gerð.

Markmið með viðburðinum er að gefa hljómsveitum skipuðum ungum Kópavogsbúum tækifæri á að spila fyrir unglinga úr félagsmiðstöðvum Kópavogs,  vekja áhuga ungmenna á lifandi tónlist og að hafa hvetjandi áhrif á ungmenni til að stofna hljómsveitir.

Fjórar hljómsveitir komu fram að þessu sinni , hljómsveitirnar Aragrúi, Indigo, Fjöltengi og White Signal.  Stemmingin var rafmögnuð og þátttaka góð.

Hljómsveitin Aragrúi í góðum gír.

Indigo

Fjöltengi.