Guðbrandur byggði hús við Kópavogsbrún í morgun, á nærbuxunum.
Sólin kom loksins í Kópavog í morgun og ætlar að verða eitthvað í heimsókn næstu daga. Veðrið leikur núna við landsmenn, einkum hér sunnanlands. Spámenn eru bjartsýnir fyrir næstu daga enda útlitið í kortunum gott. Kópavogsbúar fylltu laugarnar í morgun, léku sér í golfi, unnu berir að ofan við að byggja hús og skokkuðu léttan hring, svo dæmi séu nefnd.
Flatmagað í Salarlaugnni.
Sólin sleikt í sundlaug Kópavogs.
Steinar teygir við sundlaug Kópaogs eftir góðan hlaupahring í morgun.
Einar byggði líka hús í Kópavogi í morgun, ber að ofan, og hnykklar hér vöðvana fyrir ljósmyndarann.
Gísli, Hrannar og Daníel æfðu sig að halda bolta á lofti á sparkvellinum við Salarlaugina í morgun. Þeir halda með Breiðablik og FRAM.
Frændurnir og vinirnir Axel Óli, Jón Þór og Jón Otti tóku léttan golfhring á golfvelli Kópavogs og Garðabæjar í blíðunni í morgun.