Ungliðastarf Hjálparsveitar skáta í Kópavogi er fyrir fólk á aldrinum 16 – 18 ára og tilvalið fyrir þá sem vilja byrja í björgunarsveit en hafa ekki náð 18 ára aldri. Þegar fólk hefur náð 18 ára aldri getur það sótt um að gerast nýliðar í sveitinni. Þá hafa þeir sem starfað hafa í ungliðadeild góðan grunn sem auðvelt er að byggja ofan á.
Starfið er margþætt; haldnar eru kynningar á starfi sveitarinnar, farið er í ferðir og heimsóknir til annara ungliðadeilda. Ungliðar taka líka þátt í flugeldasölu og ýmsum verkefnum. Sumarið 2015 verður svo farið á landsmót unglingadeilda Slysavarnafélagsins Landsbjargar, þar sem allar unglingadeildir landsins koma saman.
Fundirnir eru haldnir á hverjum mánudegi kl 20:00 í Björgunarmiðstöðinni í Kópavogi sem er staðsett að Bakkabraut 4.
Þeir sem hafa áhuga á að kynna sér starfið betur geta sent tölvupóst á thjalfun@hssk.is, hringt í síma 895-4210 eða einfaldlega mætt á mánudögum kl. 20.
