Leikskólar í Kópavogi í máli og myndum

Myndbönd sem kynna starf og áherslur allra leikskólanna í Kópavogi eru nú aðgengileg á vefsíðu Kópavogsbæjar. Í þeim segja leikskólastjórnendur og starfsmenn frá helstu áherslum og faglegri sýn í starfi skólanna. Myndböndin verða nýtt til kynningar á því starfi sem fram fer í leikskólum Kópavogs, sérstöðu hvers og eins leikskóla, og náminu sem þar fer fram í gegnum leik barna.

„Myndböndin varpa ljósi á það frábæra starf sem er unnið innan skólanna. Þau munu vonandi nýtast foreldrum og öðrum til upplýsingar um skólana og veita innsýn í það frábæra starf sem fram fer í leikskólum og hvernig það auðgar líf barna og fjölskyldna þeirra,“ segir Ármann Kr. Ólafsson bæjarstjóri Kópavogs

Í Kópvogi hefur verið unnið markvisst að umbótum í leikskólum bæjarins undanfarin ár með það að sjónarmiði að styrkja starfsumhverfi skólanna og til að auka gæði starfsins fyrir börn og starfsmenn. Meðal þess sem lögð hefur verið áhersla á eru endurbætur á húsnæði og aðbúnaði, skemmtilegri skólalóðir, aukin tækifæri til menntunar starfsfólks, meira rými fyrir börn, hollur matur og stöðuga þróun í faglegu starfi.

Kópavogsbær rekur nítján leikskóla, þar sem 2000 mörg börn dvelja að jafnaði. Alls starfa um 700 starfsmenn í leikskólum bæjarins, en þar af eru um það bil 37% menntaðir leikskólakennarar. 

„Við vonumst sannarlega til þess myndböndin styðji okkur í því að laða að enn frekar að gott fólk til starfa í leikskólum í Kópavogi. Starfsmenn í leikskólum vinna með börnunum okkar á mikilvægustu mótunarárum þeirra og það er því afar mikilvægt að hlúa vel að starfsumhverfi þeirra. Við vonumst jafnframt til þess að myndböndin hvetji fólk til að fara í nám í leikskólakennarafræðum, við þurfum öll sem samfélag að leggja áherslu á að fjölga leikskólakennurum,“ segir Anna Birna Snæbjörnsdóttir sviðsstjóri menntasviðs í Kópavogi.

Myndböndin eru aðgengileg vefsíðu Kópavogsbæjar.

Deildu:

Facebook
Twitter
Pinterest
LinkedIn

Fleiri fréttir

Stórskemmtileg leiksýning fyrir yngstu kynslóðina

Leikfélag Kópavogs sýnir um þessar mundir barnaleikritið Ferðin til Limbó eftir Ingibjörgu Jónsdóttur (1953-1986) sem sett var upp í Þjóðleikhúsinu í janúar 1966. Leikritið byggir á barnabókinni Músabörn í geimflugi eftir sama

Er svefn besta verkjalyfið?

Svefn er ein af grunnstoðum góðrar heilsu ásamt góðri næringu, hreyfingu og vellíðan. Þegar við sofum notar líkaminn tímann til að endurnýja sig og undirbúa okkur fyrir næsta dag. Svefn