Heilsa og Útlit opnar í Hlíðarsmára
Heilsa og Útlit er ný heilsulind og snyrtistofa sem opnaði í nýlega við Hlíðarsmára 17. Lára Jensdóttir hefur verið starfandi nuddari frá árinu 2005. Hún lærði heilunarnudd og samtalsmeðferð hjá Kilden og líkamsmeðferð hjá Body-sds í Danmörku. Sandra Lárusdóttir útskrifaðist sem einkaþjáfari 2012 og hefur einnig sérhæft sig í sogæðameðferðum frá Þýskalandi og Austurríki. Sigríður Guðbrandsdóttir hefur verið starfandi snyrtifræðingur frá árinu 2000. Hún býður einnig uppá Tattoo og Dermatude meðferðir. Heilsa og Útlit er á Facebook á slóðinni: www.facebook.com/Heilsaogutlit.is. Sími fyrir tímapantanir er: 5626969.
Exton flytur í Kópavog
Exton, sem er leiðandi í leigu og sölu á lausnum fyrir ljós, hljóð og mynd hefur flutt höfuðstöðvar sínar að Vesturvör 30c í Kópavogi. Meðal þjónustu fyrirtækisins er sala og þjónusta á hvers kyns búnaði fyrir leikhús, sjónvarps- og útvarpsstarfsemi. Annar mikilvægur hluti starfseminnar er leiga og sala á búnaði til nota við hvers konar viðburði eins og á ráðstefnum, vörusýningum, tónleikum fyrir leikhús og margt fleira.
Antíkbúðin í Hamraborg
Antikbúðin opnaði nýlega glæsilega verslun í Hamraborg. Hún var áður til húsa á Hverfisgötu, Austurstræti, Aðalstræti í Reykjavík og á Strandgötu í Hafnarfirði en er nú loksins komin í Kópavoginn. Verslunin verður 25 ára á þessu ári.
